На 11 јуни, на 4. inFusion – Фестивал на инклузија, сведочете го магичниот перформанс на Роланд Валтер и Рене Шадлер, две тела, а еден универзум.

Интимен дијалог преку движење, што ги спојува телата како средство на поврзување!

На 12 јуни, со почеток во 15:30 часот во Домот на култура „Билјана Беличанец“, најмладите посетители на фестивалот ќе уживаат во интерактивна детска едукативна претстава „Супер вселенко и роденденската торта“, во интерпреација на Театар за Тебе, која на забавен и анимиран начин пренесува силна порака за прифаќање на различностите.

На 12 јуни 2025 година, во рамки на inFusion PERFORM денот, пријателите од Дневниот центар Доза среќа ќе ја изведат театарската претстава на знаковен јазик „Ѕуница“. Претставата комбинирајќи говор и знаковен јазик, ќе креира едно интегративно театарско искуство за најмладите.

Ликовите Бојана, Мендо, Зајче и Птичка преку приказната за слогата ќе ни пренесат порака за значењето на вистинското пријателство, различностите, разбирањето и заедништвото.